12 декабря 2019, 22:34
rubeende
logo

Быховский

районный исполнительный комитет

официальный сайт

213352, г. Быхов, ул. Ленина, д.31
Приемная: 8 (02231) 79-641
E-mail: byhov_rik@mogilev.by

Каляндар падзей

Знамянальныя і памятныя даты па Быхаўскаму раёну

455 гадоў назад Баркулаб Іванавіч Корсак заснаваў вёску і замак Баркалабава (1564 г.).
400  гадоў назад скончылася будаўніцтва Быхаўскага замка (1619 г.).
370 гадоў назад у Быхаўскім старостве была створана рэгулярная паштовая сувязь (1649 г.).
24 ліпеня 360 гадоў назад у Баркалабаўскім жаночым манастыры з’явілася цудадзейная ікона Прасвятой Багародзіцы (1659 г.).
135 гадоў назад была створана Баркалабаўская сярэдняя школа (1884 г.).
115 гадоў назад на галоўнай вуліцы в. Баркалабава была пастаўлена мураваная царква (1904 г.).
115 гадоў назад была створана Быхаўская арганізацыя Расійскай сацыял-дэмакратычнай рабочай партыі (РСДРП), якая ўваходзіла ў Палескі камітэт (1904 г.).
18 чэрвеня 110 гадоў назад пачалося зараджэнне кааператыўнага руху на Быхаўшчыне (1909 г.).
17 лютага 100 гадоў назад у в. Сарочына была арганізавана першая ў павеце камуна імя Карла Лібкнехта (1919 г.) 
100  гадоў назад на шклозаводзе в. Ветранка была створана адна з першых камсамольскіх арганізацый на Быхаўшчыне (пач. 1919 г.).
17 ліпеня 95 гадоў назад быў створаны Быхаўскі раён (1924 г.).
95 гадоў назад на Быхаўшчыне з’явіліся першыя піянерскія атрады (пачалі  з’яўляцца   з пачатку 1924 г.).
90 гадоў назад у Быхаве была арганізавана першая раённая сельскагаспадарчая выстаўка (1929 г.).
23-24 чэрвеня 75 гадоў назад адбыліся баі на вышыні 150,9 каля в. Лудчыцы пры вызваленні Быхаўшчыны  (1944 г.).
28 чэрвеня 75 гадоў назад адбылося вызваленне г. Быхава ад нямецка-фашысцкіх захопнікаў (1944 г.).
70 гадоў назад першую прадукцыю  выдаў  кансервава-агароднінасушыльны  завод (1949 г.).  З 2001 г. ААТ “Быхаўскі кансервава-агароднінасушыльны завод”.
1 красавіка 70 гадоў назад была  арганізавана  раённая  дзіцячая бібліятэка г. Быхава (1949 г.).
65 гадоў назад быў адкрыты Чырвонабеларускі сельскі клуб (1954 г.)
65 гадоў назад быў адкрыты Гадылёўскі сельскі дом культуры (1954 г.).
10 сакавіка 60 гадоў назад у г. Быхаве была арганізавана Быхаўская смешаная аўтатранспартная калона (1959 г.).  Зараз Быхаўскі філіял Аўтапарк № 6 ААТ “Магілёўаблаўтатранс”.
60 гадоў назад была адкрыта Чырвонабеларуская сельская бібліятэка (1959 г.).
55 гадоў назад быў адкрыты Вараніноўскі сельскі дом культуры (1964 г.).
50 гадоў назад быў адкрыты Чорнаборскі сельскі дом культуры (1969 г.).
50 гадоў назад быў адкрыты Тайманаўскі сельскі клуб (1969 г.).
50 гадоў назад пачаў сваё самастойнае існаванне Быхаўскі  раённы цэнтр  гігіены і эпідэміялогіі (1969 г.).
40 гадоў назад была адкрыта  бібліятэка  ў  мікрараёне  Колас  (бібліятэка мікрараёна Колас №50) (1979 г.).
40 гадоў назад  быў адкрыты Гарадзецкі сельскі дом культуры (1979 г.).
24 чэрвеня 35 гадоў назад ураджэнец г. Быхава Міхаіл Пракудзін стаў чэмпіёнам свету па класічнай барацьбе (1984 г.).
29 чэрвеня 35 гадоў назад адбылося адкрыццё  гісторыка-краязнаўчага музея г. Быхава  (1984 г.).
24 чэрвеня 35 гадоў назад каля в. Лудчыцы быў адкрыты Мемарыял воінскай славы “Лудчыцкая вышыня” (1984 г.).
5 чэрвеня 25 гадоў назад адбылося адраджэнне Святой крыніцы Захаранкі каля в. Гамарня Быхаўскага раёна (1994 г.).
25 гадоў назад была адчынена новая Свята-Успенская мураваная царква у в. Мокрае замест згарэўшай драўлянай (1994 г.).
20 гадоў назад заснавана  сумеснае  закрытае   акцыянернае   таварыства «Белатміт» (1999 г.). Зараз філіял «Белмит» ЗАТ «Серволюкс Агро».
20 гадоў назад харавому ансамблю «Ліра»  прысвоена званне  «Народны»   (кіраўнік  Вішнякова  Л.М.) (1999 г.) і 15 гадоў як ён удастоены  звання  «Узорны» (2004 г.).
28 чэрвеня 15 гадоў назад закладзены парк у гонар   60-й гадавіны вызвалення раёна ад нямецка-фашысцкіх захопнікаў (2004 г.).
15 гадоў назад рашэннем Магілёўскага выканаўчага камітэта № 31-20 ад 23.12.2004 г. зарэгістравана СЗАТ «Агралінк». Зараз уваходзіць у групу кампаній «Серволюкс».

У 2019 годзе спаўняецца:

130 гадоў з дня нараджэння ШЭКАВА АЛЯКСАНДРА ЦЯРЭНЦЯВІЧА (1889,  в. Слабада Прапойскай воласці Быхаўскага ўезда - ?), старшыні Быхаўскага рэўкома.

125 гадоў з дня нараджэння БЕЛЬСКАЙ ЕЎДАКІІ УЛАДЗІМІРАЎНЫ (1894, г. Быхаў - 1996), удзельніцы першай сусветнай, грамадзянскай і Вялікай Айчыннай вайны, медыцынскага работніка.

125 гадоў з дня нараджэння  МАРОЗАВА СЦЯПАНА ІЛЬІЧА (1894, в. Філатава Тульскай вобласці - 1950), першага старшыні Быхаўскага рэўкома, удзельніка грамадзянскай вайны.

125 гадоў з дня нараджэння РУДКОЎСКАГА МАЦВЕЯ ЛЯВОНЦЬЕВІЧА (1894, в. Мокрае Быхаўскага раёна - 1957), удзельніка Вялікай Кастрычніцкай сацыялістычнай рэвалюцыі і грамадзянскай вайны, барацьбы за Савецкую ўладу на Быхаўшчыне.

120 гадоў з дня нараджэння ІНДЗЮКОВА ЯКАВА УЛЬЯНАВІЧА (1899, в. Трасцівец Быхаўскага раёна - 1947), удзельніка  грамадзянскай і Вялікай Айчыннай войнаў.

120 гадоў з дня нараджэння МУЖАВА ІВАНА ФЁДАРАВІЧА  (1899, в. Іскань Быхаўскага раёна-?), савецкага гісторыка, доктара гістарычных навук, прафесара.

120  гадоў з дня нараджэння  ШЫЧКО ФЁДАРА КАЛІНКАВІЧА, (1899-1971), удзельніка грамадзянскай і Вялікай Айчыннай войнаў. У Вялікую Айчынную вайну камандаваў партызанскім атрадам “За Савецкую Беларусь”, які дзейнічаў на акупаванай тэрыторыі Магілёўскай вобласці. З 1948 г. працаваў на Грудзінаўскім спіртзаводзе, узнагароджаны ордэнам Чырвонага Сцяга.

110 гадоў з дня нараджэння ФЕДЗЯЧАНКІ ІВАНА ПАЎЛАВІЧА  (1909, в. Чырвоны Бераг Быхаўскага раёна  - ?),  аднаго  з кіраўнікоў партызанскага руху на Беларусі.

105 гадоў з дня нараджэння МЕЛЬНІКАВА АНДРЭЯ ІОСІФАВІЧА (1914, в. Колбава Быхаўскага ўезда - 1943), капітана, камандзіра артылерыйскага дывізіёна,  Героя Савецкага Саюза.

105 гадоў з дня нараджэння  СТРАЛКОВА ІВАНА АРСЕНЦЬЕВІЧА (1914 - 1993), камісара партызанскага злучэння “Трынаццаць”, Ганаровага грамадзяніна г. Быхава.

95 гадоў з дня нараджэння БЫЧАНКОВА ДЗЯНІСА ЯФІМАВІЧА (1924, в. Ніканавічы Быхаўскага раёна - 1943), аднаго  з кіраўнікоў камсамольска-маладзёжнага падполля на Быхаўшчыне.

95 гадоў з дня нараджэння  ІСКАЛІЕВА СУНДУТКАЛІ (1924, в. Канстанцінаўка Чынгірлаўскага раёна Уральскай вобл. - 1944),  Героя Савецкага Саюза, удзельніка баёў на Лудчыцкай вышыні пры вызваленні   г. Быхава.

90 гадоў з дня нараджэння  ЧОРСТВАГА ІЛЛІ ПЯТРОВІЧА (1929, г. Быхаў), заслужанага будаўніка БССР.

  80 гадоў з дня нараджэння БАРЫСАВА АЛЯКСЕЯ МІХЕЕВІЧА (1939, в. Кулага Быхаўскага раёна), выдатніка аховы здароўя.

80 гадоў з дня нараджэння РЫХЛОВА МІКАЛАЯ МІХАЙЛАВІЧА (1939, в. Вільчыцы Магілёўскага раёна - 1992), члена  Саюза журналістаў Рэспублікі Беларусь. Больш за чвэрць стагоддзя працаваў у рэдакцыі газеты “Маяк Прыдняпроўя”. Доўгі час – карэспандэнтам-арганізатарам раённага радыёвяшчання.

Студзень

1 - 65 гадоў з дня нараджэння  ЛЕЎЧАНКІ  МІКАЛАЯ УЛАДЗІМІРАВІЧА (1954, у в. Калодзецкая Кастюковічскага раёна Магілёўскай вобласці), паэта, пісьменніка, выдатніка друку Рэспублікі Беларусь, заслужанага журналіста беларускага саюза журналістаў, члена Саюза пісьменнікаў Беларусі, Ганаровага грамадзяніна Быхаўскага раёна.

2 - 70  гадоў з дня нараджэння МАКАРЦОВА МІКАЛАЯ ФЁДАРАВІЧА (1949, у в. Уюн Быхаўскага раёна Магілёўскай вобласці – 2012), рэжысёра, збіральніка беларускага фальклору, сцэнарыста.

14  - 80  гадоў з дня нараджэння КУЧЫНСКАГА УЛАДЗІМІРА СЯРГЕЕВІЧА (1939, г. Быхаў), Першага сакратара Быхаўскага райкома партыі (1980 – 1982).

Сакавік

8 - 95 гадоў з дня нараджэння  СТАНКЕВІЧА ГЕМЕЛА МІХАЙЛАВІЧА (1924, в. Сяліба Быхаўскага раёна – 1962),  Героя Савецкага Саюза.

17 - 100 гадоў з дня нараджэння  МАРТЫНАВА УЛАДЗІМІРА КІРЫЛАВІЧА (1919, в. Дальнавідава Залягошчыцкага раёна Арлоўскай вобласці - 1944), Героя Савецкага Саюза, вызначыўся ў баях на Лудчыцкай вышыні за вызваленне Быхаўскага раёна.

Красавік

24 - 55 гадоў з дня нараджэння  КОРАБАВА СЯРГЕЯ ВІКТАРАВІЧА (1964, г. Быхаў - 1983), воіна-інтэрнацыяналіста, узнагароджанага ордэнам Чырвонай Зоркі.

29 - 70 гадоў з дня нараджэння БУЦІНА ПЯТРА ГЕОРГІЕВІЧА (1949, в. Мокрае Быхаўскага раёна), дырэктара ААТ «Опытно-механический завод «АГРОТЕХКОНМАШ».

Май

3 - 100  гадоў з дня нараджэння ДАНІЛЮКА ЛЕАНІДА СЯМЁНАВІЧА (1919, в. Студзёнка Быхаўскага раёна  - 1986), Героя Савецкага Саюза.

5 - 90 гадоў з дня нараджэння АФОНЬКІНА СТАНІСЛАВА МІКАЛАЕВІЧА (1929, в. Гарадзец Рагачоўскага раёна – 2015), народнага ўмельца, майстра па лозапляценню.

Чэрвень 

14 - 40 гадоў з дня нараджэння ЛАЗОЎСКАЙ ТАЦЦЯНЫ МІКАЛАЕЎНЫ (1979, г. Быхаў),  салісткі ансамбля народнай музыкі Белдзяржтэлерадыёкампаніі «Бяседа».

Ліпень

7 - 55  гадоў з дня нараджэння СТРАЛЬЦОВА ПЯТРА МІХАЙЛАВІЧА (1964, ў в. Малінаўка Быхаўскага раёна – 1983), воіна-інтэрнацыяналіста, узнагароджанага ордэнам Чырвонай Зоркі.

17 - 110 гадоў з дня нараджэння ПАДАЛЯНА ФЯДОТА ПРАКОПАВІЧА (1909, в. Русо-Крыклівец Крыжапольскага раёна Вінніцкай вобласці - 1971), Ганаровага грамадзяніна г. Быхава, камандзіра 11-й Быхаўскай партызанскай брыгады, сакратара Быхаўскага подпольнага райкама партыі.

Жнівень

6 - 100 гадоў з дня нараджэння  ЗВЯЗДАЕВА ПЯТРА ІВАНАВІЧА  (1919,   станіца Паўладольская на Паўночным Каўказе – 2006), Ганаровага грамадзяніна г. Быхава, камандзіра партызанскай брыгады злучэння “Трынаццаць”.

21 - 105 гадоў з дня нараджэння БІРУКОВА АДАМА АНДРЭЕВІЧА (1914, в. Ядроная Слабада Бабруйскага ўезда - ?), аднаго з арганізатараў партызанскага руху на Беларусі, сакратара Быхаўскага райкома партыі (1949 – 1951 гг.)

25 -  70 гадоў з дня нараджэння  РАМАНЕНКА ЛЮБОВІ ЕЎДАКІМАЎНЫ  (1949,  ст.  Лудчыцы Быхаўскага раёна),  доктара педагагічных навук, члена Міжнароднай арганізацыі народнай творчасці.

Кастрычнік

4 - 165  гадоў з дня нараджэння КАСЦЕНІЧА ЕРАФЕЯ ВАСІЛЬЕВІЧА (1854  ў в. Азёрая (былая в.Мужычок) Хоцімскага раёна – 1905, в. Чырвоны Асавец Быхаўскага раёна), рускага  вучонага ў галіне афтальмалогіі.

Лістапад

28 - 60 гадоў з дня нараджэння  КАВАЛЁВА МІХАІЛА  ЯКАЎЛЕВІЧА (1959, п. Гадылёва Быхаўскага раёна), доктара  фізіка-матэматычных навук.

Снежань

27 - 70 гадоў з дня нараджэння  ЛЯСУН СВЯТЛАНЫ ЛАЎРЭНЦЬЕЎНЫ (1949, в. Рыжкаўка Быхаўскага раёна), беларускай баяністкі, педагога, заслужанай артысткі Беларусі.

Памятныя даты заснавання вёсак Быхаўскага раёна

455 гадоў  вёсцы Баркалабава (1564 г.)
440 гадоў вёсцы Хамічы (1579 г.)
415 гадоў вёсцы Смаліца (1604 г.)
90 гадоў вёсцы Чырвоная Беларусь (1929 г.)
80 гадоў вёсцы Чырвоная Слабада (да 20.01.1939 г. Узнікі)
50 гадоў мікрараёну Колас (да 21.01.1969 г. пасёлак Быхаўскай РТМС)

   

Разработка и сопровождение
МГКУП «ЦГИС», г. Могилев

© 2018г.
Быховский районный исполнительный комитет
Официальный сайт