Работнікі Быхаўскага раённага Цэнтра культуры правялі для вучняў 3"В" класа ДУА «Сярэдняя школа № 1г.Быхаў» гульнёва-пазнавальную праграму «Гучы, родная мова». Падчас правядзення якой дзеці адгадвалі загадкі, гулялі ў пазнавальныя і рухомыя гульні. Вядучыя праграмы нагадалі дзецям аб тым, што сёння у свеце шмат цудоўных моў. Адны з іх вабяць сваёй прыгажосцю і непаўторнасцю, другія — мілагучнасцю. Але ў кожнага чалавека ёсць толькі адна родная мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забываць сваю мову, не шануе яе. Хлопчыкі і дзяўчынкі разыгралі перад сваімі сябрамі беларускую казку «Курачка рабка», ролі якой выканалі экспромтам.
У філіяле Абідавіцкі СДК аформілі выставу «Не пакідайце ж мовы роднай». Работнікамі філіяла Баркалабаўскі КСЦ праведзена гульнёва-пазнавальная праграма «Знаўцы беларускай мовы». Прыняць удзел у пазнавальнай праграме «Мова народа-яго душа» запрасілі падлеткаў работнікі філіяла Цэнтра культуры, народнай творчасці і рамёстваў.
Міжнародны дзень роднай мовы падштурхоўвае нас задумацца аб месцы матчынай мовы ў нашым жыцці, яе захаванні і перадачы наступным пакаленням.
Святлана Саламевіч, загадчык метадычнага аддзела РЦК ДУК «Цэнтралізаваная клубная сістэма Быхаўскага раёна».