Жнівеньскае сонца і вецер хутка высушваюць росы на саспелых каласах. Камбайны ААТ «Валадарскі» з раніцы і да позняга вечара прасуюць залатыя гектары. Высокапрадукцыйную тэхніку плаўна вядуць вопытныя механізатары. У перыяд уборкі збожжавых ўжо больш за 30 гадоў працуе Уладзімір Панцэр. Сёння ён за штурвалам КЗС-1218 «Палессе GS12». Камбайнер зрабіў чарговы круг, і шматтонная ўборачная машына павольна падыйшла да краю поля. Аграрый заглушыў рухавік, а потым спусціўся з кабіны на зямлю.
На Быхаўшчыне праходзіць акцыя «Чырвоны Крыж — уборачнай кампаніі». У гэтыя дні ў рэгіёне ўсталявалася гарачае надвор’е, якое можа негатыўна адбіцца на самаадчуванні хлебаробаў. Вось таму Уладзіміру Юр’евічу ў поле аптэчку з неабходнымі медыкаментамі і ўручыла старшыня раённай арганізацыі Беларускага таварыства Чырвонага Крыжа Людміла Ждан.
Усяго ж «чырвонакрыжоўцы» нашыага раёна прывезлі на палі 67 аптэчак для экіпажаў камбайнаў, якія задзейнічаны на ўборцы новага ўраджаю.
Сяргей АНДРЭЕЎ
Разработка и сопровождение
КУП «МОЦИС», г. Могилев
© 2018г.
