Папярэджанне пажараў з’яўляецца адным з прыярытэтных напрамкаў дзейнасці Міністэрства па надзвычайных сітуацыях. Ні для каго не сакрэт, што пераважная большасць пажараў адбываецца па прычынах неасцярожнага абыходжання з агнём і парушэння правілаў эксплуатацыі пячнога ацяплення і электраабсталявання. «Папярэджаны — значыць узброены», — гаворыць народная мудрасць. Невыпадкова, менавіта з гэтых слоў і пачаўся выступ старшага інспектара групы прапаганды і ўзаемадзеяння з грамадскасцю Быхаўскага раённага аддзела па надзвычайных сітуацыях Сяргея Ісаенкі на базе грамадскага пункта аховы правапарадку ў аграгарадку Лудчыцы. Сяргей Васільевіч давёў да ўдзельнікаў акцыі аператыўнае становішча, падрабязна апісаўшы прычыны ўзнікнення кожнага з 44 пажараў, якія адбыліся на тэрыторыі раёна ў мінулым годзе. Не засталіся па-за ўвагай патрабаванні правілаў пажарнай бяспекі і актуальнасць устаноўкі аўтаномных пажарных апавяшчальнікаў, а прадэманстраваны фільм «Бяспека у кожны дом!» у чарговы раз прымусіў вяскоўцаў задумацца аб няўхільным выкананні супрацьпажарных правілаў.

Старшы інспектар групы прапаганды і ўзаемадзеяння
з грамадскасцю Быхаўскага РАНС Сяргей Ісаенка